Тағылымды шеберлік сабағы өтті

🗓️ 23 мамыр күні Ұлан ауданы ЮНЕСКО Клубының мүшесі «Балалар музыка мектебі» КМҚК-де оқушыларға арналған тағылымды шеберлік сабағы өтті. Іс-шараға Қазақ мемлекеттік симфониялық оркестрінің дирижері Д. Ибрагимов қатысып, жас өнерпаздармен кәсіби тәжірибесімен бөлісті.

🎼 Шараның құрметті қонағы — қазақ композиторы, Қазақстан Республикасының еңбек сіңірген қайраткері, «Парасат» орденінің иегері, профессор С. Ж. Еркімбеков болды. Ол музыка өнерінің маңызы, шығармашылық ізденіс пен сахна мәдениеті туралы әсерлі ойларын ортаға салды.

🎻 Шеберлік сағатында оқушылар ансамбльдік орындау, сахнада өзін ұстау, музыканы сезіну және аспапта ойнау шеберлігі бойынша пайдалы кеңестер алды. Кәсіби музыканттар өз тәжірибелерімен бөлісіп, жас таланттардың өнерге деген қызығушылығын арттырды.

🤝 Сонымен қатар, кездесу барысында тараптар өнер және білім саласындағы ынтымақтастықты одан әрі дамыту мәселелерін талқылады. Алдағы уақытта «Балалар музыка мектебі» КМҚК мен кәсіби өнер өкілдері арасында өзара тәжірибе алмасу, бірлескен шығармашылық жобаларды жүзеге асыру және жас таланттарды қолдау мақсатында екіжақты ынтымақтастық туралы меморандум жасау жоспарлануда. Бұл бастама оқушылардың кәсіби дамуына жаңа мүмкіндіктер ашып, білім беру мен мәдениет саласындағы байланысты нығайтуға ықпал етпек.