«Жеті сыр» атты 10 жылдық шығармашылық концерт

20 мамыр күні Ұлан ауданы балалар музыка мектебінің ұстазы Маржан Баекинаның  «Жеті сыр» атты 10 жылдық шығармашылық концерті жоғары деңгейде өтті.

Кеш барысында көрермендер ұлттық өнердің терең сырын сезініп, күй мен әуенге толы ерекше атмосфераға бөленді. Сахнада қазақтың төл музыкалық мұрасы жаңаша үндесіп, өнер сүйер қауымға әсерлі кеш сыйлады.

Концерттің құрметті қонағы — Қазақстан Республикасының Халық әртісі, ҚР Мемлекеттік сыйлығының лауреаты, күйші-композитор Секен Тұрысбек қатысып, кештің маңызын арттыра түсті.

Шығармашылық кешке жиналған көрермендер өнер иелеріне ыстық ықыласын білдірді. «Жеті сыр» кеші ұлттық өнердің қадірін ұлықтаған тағылымды мәдени шаралардың біріне айналды.