«Алғысқа толы жүрек, мейірімге толы әлем»
🗓️ ЮНЕСКО Клубының мүшесі Шығыс Қазақстан облысы Ұлан ауданының «Балалар музыка мектебі» КМҚК 1 наурыз – Алғыс айту күні мен 8 наурыз – Халықаралық әйелдер күніне арналған қос шуақты мерекені тоғыстырған «Алғысқа толы жүрек, мейірімге толы әлем» атты тағылымды мерекелік іс-шара өткізді.
💐 Мерекелік кештің басты мақсаты – қоғамдағы сыйластық пен ризашылық құндылықтарын дәріптеу, аналар мен аруларға құрмет көрсету, сондай-ақ алғыс айту мәдениетін насихаттау болды.
🎶 Шара барысында балалар музыка мектебінің оқушылары мен ұстаздары әсем ән мен күмбірлеген күй орындап, мазмұнды концерттік бағдарлама ұсынылып оқушылардың ата-аналарына көтеріңкі көңіл күй, шуақты жылулық сыйлады. Мерекелік кештің мазмұнын байыта түскен әсерлі хореографиялық композициялық билері, оқушылар ансамблері мен хорының орындауындағы шығармалар арқылы нәзіктік пен сұлулық, аналарға деген құрмет пен шынайы алғыс сезімі көркем түрде жеткізілді.
