«Таза Қазақстан» республикалық экологиялық акциясы
🗓️ 5 мамыр күні «Таза Қазақстан» республикалық экологиялық акциясы аясында Ұлан ауданы «Балалар музыка мектебі» КМҚК ұжымы Шығыс Қазақстан облысы Кәсіподақтарымен бірлесіп тағылымы мол, тәрбиелік мәні зор іс-шара өткізді.
🔹 Аталған шараға Кәсіподақ орталығы төрағасының орынбасары Айжан Игасанова, ШҚО Орман шаруашылығы және жануарлар дүниесі салалық кәсіподағы филиалының төрайымы Бақытжан Мұнусова, орман саласының ардагерлері – Қазақстанның еңбек сіңірген орманшысы Татьяна Тютюникова, сондай-ақ музыка мектебінің ұстаздары мен өнерге құштар оқушылары қатысып, табиғатты қорғау жолындағы игі іске белсене атсалысты.
🌱 Акция барысында мектеп аумағына шырша көшеттері отырғызылып, айнала көркейтіліп, табиғат пен өнердің үйлесімді байланысы ерекше сезілді. Жасыл желекке жан бітірген бұл сәт – әр қатысушының жүрегінде табиғатқа деген жанашырлық пен қамқорлық сезімін оятты.
☘️ Іс-шараның басты мақсаты – қоршаған ортаны қорғауға бағытталған саналы көзқарасты нығайту, экологиялық мәдениетті дамыту және жас ұрпақты табиғатты аялауға, туған жерін құрметтеуге тәрбиелеу.
