«Ақ жаулықты аналарға тағзым» атты қайырымдылық концерт

🗓️ 5 наурыз – Халықаралық әйелдер күні мерекесіне орай Қазақстандық Ұлттық ЮНЕСКО Клубтарының Федерациясының «Жылды жақсылықпен баста» акциясы аясында Өскемен қаласындағы «Қамқор» қарттар үйінде ШҚО Ұлан ауданы ЮНЕСКО Клубының мүшесі — «Балалар музыка мектебі» КМҚК «Ақ жаулықты аналарға тағзым» атты қайырымдылық концерттік бағдарламасын ұсынды.

🔹 Концерт барысында музыка мектебінің ұстаздары өз өнерлерін тарту етіп, аналар мен әжелерге арнап әсем әндер мен күйлер орындады. Жас өнерпаздардың өнері көрермендерге ерекше әсер сыйлап, залды шаттық пен мерекелік көңіл-күйге бөледі. Кеш барысында қарттар үйінің тұрғындары жастарға өз алғыстарын білдіріп, жүрекжарды тілектерін айтып, ақ баталарын берді.

💐 Мейірім мен қамқорлыққа толы бұл шара үлкенге құрмет көрсетудің, аналар мен әжелерге деген шынайы ілтипаттың жарқын көрінісі болды.