«Қобыздың қоңыр - мәңгілік мұра»

🗓️ 6 мамыр күні ШҚО білім басқармасының «Халық әртістері ағайынды Абдуллиндер атындағы Шығыс Қазақстан өнер училищесінде» белгілі педагог, өнер майталманы Фатима Балғаеваның туғанына 100 жыл толуына орай «Қобыздың қоңыр - мәңгілік мұра» атты ұйымдастырылған еске алу кешіне Ұлан ауданы ЮНЕСКО Клубының мүшесі «Балалар музыка мектебі» КМҚК оқушылары мен ұстаздары қатысты.

🎶 Іс-шара барысында Фатима Балғаеваның өнер саласына қосқан зор үлесі, шәкірт тәрбиелеудегі еңбегі кеңінен насихатталып, тағылымды естеліктер айтылды. Кеш аясында қатысушылар музыкалық нөмірлер ұсынып, көрермендерге рухани әсер сыйлады.

🔹 Аталған шара жас ұрпаққа өнерге деген құрметті арттырып, ұлттық мәдениетті дәріптеуге бағытталған маңызды рухани кездесу болды.