«Jasyl El» жастар еңбек жасақтарының ХХІ еңбек маусымының салтанатты жабылу рәсімі өтті.

5 қыркүйек күні ЮНЕСКО Клубының мүшесі Ұлан ауданы «Балалар музыка мектебінің» ғимаратында Шығыс Қазақстан облысы бойынша «Jasyl El» жастар еңбек жасақтарының ХХІ еңбек маусымының салтанатты жабылу рәсімі өтті.

Іс-шараға Шығыс Қазақстан облысы әкімінің орынбасары Ербол Нұрғалиев, Ұлан ауданының әкімі Арман Бекбосынов, сондай-ақ «Jasyl El» жобасының қатысушылары мен штаб жетекшілері қатысты.

Маусым қорытындысы бойынша үздік деп танылған номинациялар бойынша марапаттар табысталып, салтанатты шара аясында «Балалар музыка мектебінің» ұстаздары мен оқушылары әуезді ән мен әсем би силап, қонақтарға ерекше көңіл-күй сыйлады.