Қазақ халық аспаптар бөлімінің «Дәстүрлі өнер - рухани қазына» атты қорытынды есеп беру шығармашылық концерті өтті.

17 мамыр күні ШҚО Ұлан ауданы ЮНЕСКО Клубының мүшесі «Балалар музыка мектебінің» қазақ халық аспаптар бөлімінің «Дәстүрлі өнер - рухани қазына» атты қорытынды есеп беру шығармашылық концерті өтті.

🔹Шараның басты мақсаты - оқушылардың жыл бойғы еңбегін көрсету және дәстүрлі музыка арқылы жас ұрпақтың рухани-мәдени тәрбиесіне үлес қосу болды. Концерт барысында мектептің дарынды оқушылары домбыра, қобыз, жетіген сияқты ұлттық аспаптарда ойнап, көрермендердің көңілінен шықты. Кеш бағдарламасына күйлер, ансамбльдік орындаулар және халық әндерінің аспаптық нұсқалары орындалды.

🔹 Ұстаздар мен оқушылардың бірлескен еңбегінің нәтижесі ата-аналарды тәнті етті. Әрбір орындау ұлттық мұрамыздың тереңдігін, байлығын және тәрбиелік маңызын паш етті.